මෛත්‍රී භාවනාවෙන් ලබාගත හැකි ඉර්ධින්

                                                         
මෛත්‍රී භාවනාව ඉර්ධින් 
                                       මෛත්‍රී භාවනාව ගැන නොදන්න කෙනෙක් ලංකාවේ ඉන්න විදියක් නෑ.ඒ තරමට රෑ දවල් එක එක විදියෙන් මෛත්‍රී භාවනාව ගැන අහන්න ලැබෙනවා. එත් ඒ ඇහෙන දේවල් වලින් ගොඩක් දෙනෙක් ප්‍රයෝජනය ගන්න බවක් පෙනෙන්නේ නෑ. ඒකට හේතුව නිතර නිතර ඇහිමත්, සරල භාවනාවක් වගේ පෙනීමත්, මෛත්‍රී භාවනාවෙන් කරන්න පුළුවන් දේවල් ගැන ගොඩක් අය අවබෝධයක් නැති වීමත් වෙන්න පුළුවන්.  බොහෝ දෙනෙක් මෛත්‍රී භාවනාවෙන් ලබාගන්න පුළුවන් ඉර්ධින් වගේ හැකියාවන් ගැන දැනුවත් නෑ.
                                  මෛත්‍රී භාවනාව අනිත් භාවනා වලට වඩා ඉක්මනින් හිත එක්තැන් කරගන්න පුළුවන් භාවනාවක්. ඒ වගේම ඕනම චරිත ලක්ෂණ තියෙන කෙනෙක්ට ගැලපෙන භාවනාවක්. මෛත්‍රී භාවනාව සරල උනාට පහසුවෙන් වඩන්න පුළුවන් උනාට මහානුභාව සම්පන්න භාවනාවක්. මෛත්‍රී භාවනාවත් ආනාපානසතියත් විදර්ශනාවත් බුදුරජාණන් වහන්සේ නමකට පමණක් ලෝකයට කියා දිය හැකි භාවනා කියල හදුන්වනවා. මෛත්‍රී සමාධියක් සහිත හිතකට අතිවිශාල ශක්තියක් තියෙනවා. ධ්‍යාන නොලැබුනත් යම් තරමක හෝ සමාධියක් ඇතිකරගන්න පුළුවන් උනොත් එමගින් විශාල වාසි ලැබෙනවා. බුදුරජාණන් වහන්සේ මෛත්‍රී භාවනාවේ ප්‍රධාන අනුසස් 11ක් දේශනා කරලා තියෙනවා.ඒවාට අමතරව මෛත්‍රී භාවනා වඩද්දී තවත් විවිද හැකියාවන් ලැබෙනවා. ප්‍රධාන අනුසස් විදියට බුදුන් වහන්සේ දේශනා කරලා තියෙන්නේ මේ දේවල්:
1. සුවසේ නින්ද යාම .
2. සුවසේ නින්දෙන් අවදි වීම
3. භයානක සිහින නොපෙනීම
4. දකින දකින සැමටම ප්‍රිය වීම
5. මිනිසුන්ට පමණක් නොව දෙවියන්ටද ප්‍රිය වීම
6. දෙවියන් විසින් ආරක්ෂා කරනු ලැබීම
7. ගින්නෙන් විෂෙන් හා ආයුද වලින් අනතුරු නොවීම
8. වහා සිත සමාධි වීම
9. මුහුණ පැහපත් වී බැබලීම
10.සිහි මුලා නොවී මරණයට පත් වීම 
11. මේ භවයේදී රහත් නොවුනහොත් බ්‍රහ්ම ලෝකයේ ඉපදීම

                                   
මේ ප්‍රතිපල වලින් 5,8,9 ප්‍රතිපල ඉක්මනින්ම අත්දකින්න පුළුවන්. ඕනෑම භාවනාවක් කරලා හිත සැලකිය යුතු තරමකට සමාධිමත් උනාම මුහුණේ පැහැපත් කමක් ඇති වෙනවා. ඇස් වල කහ පාට ගතිය ගිහින් සුදු පාට ගතියක් එනවා, ඇස් දිලිසෙනවා. මෛත්‍රී භාවනාව වැඩුවාම අනිත් භාවනා වලටත් වඩා මේ දේවල් වෙනවා. මුහුණේ ප්‍රසන්න ගතියට අමතරව සතියක් 2ක් ගියාම ශරීරයේ වර්ණයත් ප්‍රසන්න වෙනවා අත්දකින්න පුළුවන්.
                                   
මෛත්‍රී භාවනාව කරලා ධ්‍යාන මට්ටමට ආසන්න හෝ සමාධියක් හිතේ ඇතිකරගෙන සාමාන්‍ය වැඩ කටයුතු කරනකොට වෙනදට වඩා  අනිත් අයගෙන් උදවු ලැබෙන්න ගන්නවා. මේ ගැන මට මගේ පාසල් කාලේ අත්දැකීමක් කියන්න පුළුවන්. මම මෛත්‍රී භාවනා කරලා ස්කෝලෙට ගිය දවසක මට සල්ලි උවමනාවක් තිබුන නිසා එදා මම එන්න කලින් බුදුන් වැදලා දෙවියන්ට පින් දීලා මට මුදල් ලැබෙන්න උදවු කරත්වා කියල ප්‍රාර්ථනා කළා. පන්තියට ගිය වෙලාවේදී මගේ යාලුවෙක් ලඟට ඇවිත් කතා කර කර ඉදල  කිවුවා මොනවහරි සල්ලි උවමනාවක් තියෙනවනන් කියන්න මට මේ දවස් වල වාසි කියලා. හැබැයි එයාට මම කොයි වෙලාවකවත් මගේ උවමනාව ගැන කියල තිබ්බේ නෑ. එදා දවසෙම වෙනදා නැති විශේෂ සැලකිල්ලක් අනිත් අයගෙන් ලැබුනා. හැබැයි හිතේ තිබ්බ එක්තැන් ගතිය නැතිවෙලා ගියාම කලින් තිබුණු කිසිම දෙයක් අත්දකින්න හම්බුනේ නෑ. මේ වගේ අත්දැකීම් මෛත්‍රී භාවනා වඩනකොට තමන්ට ලැබෙනවා.
                                        මනුෂ්‍යන්ට ප්‍රිය වෙනවා වගේම සතුන්ටත් මෛත්‍රී භාවනා කරන අයව ප්‍රිය වෙනවා. මේකටත් මගේ අත්දැකීමක් කියන්න පුළුවන්. මම මුලින්ම මෛත්‍රී භාවනා කරන්න පටන්ගත්තේ දහම්පාසලේ උගන්වපු ස්වාමින්වහන්සේ නමකගේ උපදෙස් අහලා.  භාවනා ගැන උගන්වනකොට ස්වාමින් වහන්සේ කිවුවා මදුරුවෝ කන වෙලාවට මෛත්‍රී භාවනා කරලා බලන්න මදුරුවෝ කන එක නැතිවෙනවා කියල. මම ගෙදර ඇවිත් එදා හවස මෛත්‍රී භාවනා කරලා බැලුවාම ඇත්තටම කිසිම මදුරුවෙක් ළඟටවත් ආවේ නෑ. මේ නිසයි මමත් මෛත්‍රී භාවනාව එකදිගට කරන්න යොමු උනේ. මේ දේ ඕනම කෙනෙක්ට ඉක්මනින් අත්දකින්න පුළුවන් දෙයක්. හොදට හිතේ තරහ නැතිවෙන විදියට හිත නිවෙන විදියට සියලු සත්වයන්ට මෛත්‍රී කරලා මදුරුවන්ටත් මෛත්‍රී කරලා බලන්න මදුරුවන් ලගට එන එක ඉබේම නවතිනවා. මදුරුවන්ට හොද නරක තේරෙන මනසක් නැති උනත් භාවනා කරන කෙනාගේ හිතින් පිටවෙන සිතුවිලි තරංග හා විශ්ව ශක්ති තරංග වල බලපෑමෙන් සත්තුන්ගේ මනසටත් බලපෑම් වෙනවා.


කරදර බාධා, ග්‍රහ අපල දුරු කරන මෛත්‍රී භාවනාව     
       
ප්‍රධාන අනුසස් වලට අමතරව මෛත්‍රී භාවනාව වඩනකොට ප්‍රායෝගිකව තවත් දේවල් අත්දකින්න පුළුවන් වෙනවා. ජිවිතේ කරදර කාලෙකදී අපල කාලෙකදී මෛත්‍රී භාවනාව කලාම ඒ කරදර ගතිය අඩුවෙනවා හොදට අත්දකින්න පුළුවන්. එකදිගට කරදර වෙනවනම්, කරදර කාලයක් අත්විදිනවානම් දවස් කීපයක් මෛත්‍රී කරලා බලන්න එක දවසක් මෛත්‍රී කලත් තමන්ට වෙන බලපෑම් වල ලොකු වෙනසක් වෙන බව අත්දකින්න පුළුවන්. භාවනා කරලා ඒ පිනෙන් මගේ මේ කරදර දුරුවේවා කියල සත්‍යක්‍රියා කලාම පැහැදිලිවම කරදර ගතිය අඩුවෙනවා අත්දකින්න පුළුවන්.     
                                         
ලෙඩ රෝග සුව කරන මෛත්‍රී භාවනාව
මෛත්‍රී භාවනාව සම්බන්ධ අපේ රටේ හිටපු ප්‍රසිද්ධ හිමිනමක් තමයි බලන්ගොඩ ආනන්ද මෛත්‍රී මහ නාහිමිපාණන් වහන්සේ. උන් වහන්සේ අපවත් වෙන්න ආසන්න කාලයේ කරපු පත්තර සාකච්චාවකදී කියලා තියෙනවා නිතරම මෛත්‍රී භාවනා කල බවත් තරහා සිතක් හිතට ආපු කාලයක්වත් මතක් කරන්නන්ත් බැරි බවත්. ඒ  තරමට උන්වහන්සේ මෛත්‍රී භාවනාව ජිවිත අංගයක් විදියට පුරුදු කරලා තියෙනවා. ඒ දේ ඇත්ත බව හොදට අත්දකින්න පුළුවන් උන්වහන්සේගේ ජීවමාන චායාරුප දිහා බැලුවම මුහුණේ කරුණාවන්ත බව හා මෛත්‍රී සහගත බව තවම ජීවමානව දැනෙනවා. උන්වහන්සේ සීසර් සුදුසිංහ සමග කරපු සාකච්චාවකදී මෛත්‍රී භාවනාව හොදින් වැඩීමෙන් ලෙඩ රෝග සනීප කරගන්න පුළුවන් බව ප්‍රකාශ කරලා තියෙනවා. ඒ සදහා මුලින්ම තමන්ට මෛත්‍රී කරගන්න ඕනි කියල තියෙනවා. හොදින් භාවනා කලොත් අනුන්ගේ ලෙඩ රෝගත් සනීප කරන්න පුළුවන් බවත් කියල තියෙනවා.
 

                                           
සර්වජන වශියක් වන මෛත්‍රී භාවනාව
ඒ වගේම හොදට හිත එක්තැන් වෙන විදියට මෛත්‍රී භාවනා කලාම අනිත් අය වශී කරගන්නවා වගේ දෙයක් කරන්න පුළුවන් වෙනවා. තමන්ට ඕනි කෙනා අරමුණු කරගෙන ගොඩක් වෙලා මෛත්‍රී කලාම වෙනදට නැති අවනත බවක් පක්ෂපාති බවක් එයාගෙන් දකින්න ලැබෙනවා. තමන් කියන ඕනිම දෙයක් එක පාරින් කරනවා. දුර ඉන්න කෙනෙක්ට මෙහෙම මෛත්‍රී කලාම එයාම ටික වෙලාවකින් තමන්ව හම්බවෙන්න එනවා හෝ තමන්ට
 call message කරනවා අත්දකින්න පුළුවන්.  ඕනෑම භාවනාවක් කරනකොට තමන්ගේ වටේට රැස් වළල්ලක් වගේ ඇතිවෙනවා. ඒක ආලෝක වළල්ලක් වගේ පෙන්නේ ගොඩක් හිත දියුණු අයගේ විතරයි. අනිත් අයගේ නොපෙනුනාට ඒක යම් තරමකට තියෙනවා. මෛත්‍රී භාවනා කරන අයගේ මේ රැස් වළල්ල වදින සීමාවට එන ඕන මනුස්සයෙක් හෝ අමනුස්සයෙක්ට භාවනාව කරන කෙනා ගැන ඉබේම පැහැදීමක් ඇතිවෙනවා. ඒක සිද්දවෙන්නේ තමන්ගේ සිතෙන් පිටවෙන සිතුවිලි හා විශ්ව ශක්ති රැස් මගින්. මේ විදියට තමන්ව අත්අඩංගුවට ගන්න එන්න ඉදපු පොලිස් නිලධාරියෙක්ව අනගාරික ධර්මපාල තුමන් විසින් වශිකරගත්ත ප්‍රසිද්ධ කතාවක් තියෙනවා. පොලිස් නිලධාරියාගේ ෆොටෝ එකක් දිහා බලාගෙන ධර්මපාල තුමා මෛත්‍රී භාවනා කරලා තියෙනවා. පොලිසියෙන් එනකොට ඒ නිලධාරියා ධර්මපාල තුමන්ට බනිමින් ආවත් ලගට ඇවිත් ධර්මපාලතුමාගේ අතට මාංචු දානකොට අඩන්න අරන් තියෙනවා.  මේ දෙයම තමයි බුදුරජාණන් වහන්සේව නොසලකා ඉන්න හදපු පස් වග මහනුන්ට සිද්ද වුනේ. බුදුරජාණන් වහන්සේගේ බුද්ධත්වය පිලිබදව අවබෝධයක් නොතිබුන නිසා බුදුරජානන් වහන්සේට ඇප උපස්ථාන නොකළ ඉන්න තීරණය කරපු පස්වග මහණුන්ට බුදුරජානන් වහන්සේ ලගට ආවාට පස්සේ උපස්ථාන නොකර ඉන්න බැරි උනා. මේ දේ සිද්දවෙන්නේ බුදුරජාණන් වහන්සේගේන් විහිදෙන රැස් වළල්ලට නිරාවරණය වෙන නිසා. මෛත්‍රී කරන කෙනෙකුගේ රැස් වළල්ල ආසන්නයට එන ඕනෑම කෙනෙකුට ඒ පුද්ගලයා ගැන පැහැදීමක් ඇතිවෙනවා.

                                           
අමනුෂ්‍ය දෝෂ වලින් මිදීමටත් මෛත්‍රී භාවනාව උපකාර වෙනවා. බුදුරජාණන් වහන්සේ දේශනා කරලා තියෙනවා මෛත්‍රී භාවනා කරන කෙනෙක්ට අමනුෂ්‍යයෙක් කරදර කරනවානම් ඒක ඒ අමනුෂ්‍යයාට දෙපැත්ත කැපෙන කඩුවක් අත් 2න් තද කරගන්නවා වගේ ප්‍රතිපල අත්වෙන වැඩක් කියලා. හැබැයි මන්තර ගුරුකම් වලින් කරපු අමනුෂ්‍ය කරදර කඩන්නනම් භාවනාව යොදාගන්න අමාරුයි. කොඩිවින හූනියම් වගේ දේවල් වල බලපෑමෙන් මිදෙන්න නම් මෛත්‍රෙ භාවනාවෙන් චතුර්ථධ්යානයවත් ලබාගෙන තියෙන්න ඕනි.
                                           ඒ වගේම මෛත්‍රී ධ්‍යානයක් තියෙන කෙනෙක්ට ලේසියෙන්ම දෙවියන්ගේ හා අමනුශ්‍යන්ගේ උදවු ලබාගන්න පුළුවන්. මෛත්‍රී භාවනා කරන කෙනෙක්   බුදුන් වදින වෙලාවට තමන්ගේ අවශ්‍යතාවය දෙවියන් සිහිපත් කරලා, පින් අනුමෝදන් කරලා කිවුවම නොහිතන විදි වලින් උදවු ලැබෙනවා.
                                               තමන්ට සතුරු අයගේ සතුරුකම් නැතිකරගන්නත් මෛත්‍රී භාවනාවෙන් පුලුවන්. තමන්ට එදිරිවාදීකම් කරන කෙනෙක් ඉන්නවනම් සාමාන්‍ය විදියට මෛත්‍රී භාවනා කරලා ඉවරවෙලා ඊට පස්සේ පැයක් විතර තමන්ට අවශ්‍ය කෙනාව විතරක් අරමුණු කරගෙන මෛත්‍රී කරලා බලන්න ඕනිම තරහ කමක් නැතිවෙලා යනවා. බුදුරජාණන් වහන්සේත් නාලාගිරි ඇතාව ධමනය කරන්න යොදාගත්තේ මෛත්‍රී කිරීම.  
                                              බුදුරජාණන් වහන්සේ වේළාම සුත්‍රයේදී දේශනා කරලා තියෙනවා බුදුවරු 100 නමකට දානයක් පුජා කරනවට වඩා පිනක් එලදෙනකගෙන් කිරි දොවන තරම් කාලයක් (විනාඩි 30ක් විතර) මෛත්‍රී භාවනා කිරීමෙන් රැස් වෙනවා කියලා. ඒ නිසා මෛත්‍රී භාවනාව එසේ මෙසේ භාවනාවක් නෙවෙයි.      
                                                     
                                                
මෛත්‍රී භාවනාව දියුණු කරපු අයට අනතුරු කරදර වෙන්නේ නෑ. ධ්‍යාන මට්ටමට වගේ දියුණු වෙලා නම් කිසිම කරදරයක් වෙන්නේ නෑ. මේකට හොඳ උදාහරණයක් තියෙනවා. උත්තරා නම් සිටු දේවියට සිරිමා ඝනිකාව උණු තෙල් වක් කරන්න එනකොට උත්තරා තමන් පුරුදු කරපු මෛත්‍රී භාවනාව සිහිපත් කරලා සමවැදිලා සිරිමාවට මෛත්‍රී කළා. මේ මෛත්‍රී කිරීමේ පිනෙන් මට කිසිම අනතුරක් නොවේවා කියල අධිෂ්ඨාන කළා. ඒ වෙලේ සිරිමාව වක් කවපු උණු තෙල් උත්තරාගේ ශරීරයට වැටුනත් කිසිම කරදරයක් උත්තරාට උනේ නෑ. මේක තමා සිරිමා ඝනිකාව මහන වෙන්න මුල් වුන හේතුව.                                                                

                                        ගොඩක් දෙනෙක් මෛත්‍රී භාවනාව කියලා කරන්නේ මම නිදුක් වෙම්වා නිරෝගී වෙම්වා සුවපත් වෙම්වා දුකින් මිදෙම්වා කියලා හිතන එක. එත් ඒක මෛත්‍රී භාවනාව නෙවෙයි කරුණා භාවනාව. මෙත්තා කරුණා මුදිතා උපේක්ෂා සතර බ්‍රහ්ම විහරණ අනුව වඩන භාවනා
4ක් තියෙනවා. ඒවායින් මෛත්‍රී භාවනාවේදී කරන්නේ මම තරහා නැත්තෙක් වෙම්වා. වෛර නැත්තෙක් වෙම්වා ,දුක් පිඩා නැත්තෙක් වෙම්වා, සුවපත් වෙම්වා කියලා හිතන එක. නිරෝගී වෙම්වා ආදිය අයිති වෙන්නේ කරුණා භාවනාවට. එත් මේ දෙකෙන් මොන භාවනාව කලත් එක වගේම ප්‍රතිපල ලැබෙනවා.
සමාධිය ඉක්මනින් ඇතිකරගන්න උදවු වෙන්නේ
-ඉස්සෙල්ලම   විනාඩි 5ක් විතර තමන්ට අනුන්ට දෙපිරිසටම මෛත්‍රී කරලා
-ඊළගට විනාඩි 15ක් විතර
-අවසානයේදී 
අනුන්ට හෝ තමන්ට අනුන්ට දෙපිරිසටම මෛත්‍රී කිරීමෙන්. පටන්ගන්නකොටම අනුන්ටත් මෛත්‍රී වඩන්න ගියාම මෛත්‍රී අරමුණු ටික හිතට හරියට අරමුණු වෙන්නේ නෑ.
තමන්ට මයිත්‍රී කරනකොට තරහ නැත්තෙක් වෙවා
, සුවපත් වේවා, නිදුක් වේවා කියල හිතන දේවල් වල තේරුම හොදට හිතට තේරෙනවා, දැනෙනවා. ඒ වගේම තමන්ට මෛත්‍රී කරනකොට හිතේ ඇතිවෙන සහනය නිසා ප්‍රීති සුඛ එකග්ගතා ධ්‍යානාංග හිතේ ඇතිවෙලා සමාධිය ඇතිවෙන්න අවශ්‍ය අඩිතාලම වැටෙනවා.  මෛත්‍රී භාවනා කරනකොට හෙමින් තාලයකට හිත නිවෙන විදියටයි මම නිදුක් වෙම්වා නිරෝගී වෙම්වා ආදිය හිතන්න ඕනි.

                                                 
මහග්ගත චේතෝ විමුක්තිය වශයෙන් හා අප්පමාන චේතෝ විමුක්තිය වශයෙන් මෙෙත්‍රී භාවනාව කළ හැකි ආකාර දෙකක් බුදුරජාණන් වහන්සේ දේශනා කරලා තියෙනවා.    මහග්ගත චේතෝ විමුක්තියේදී කරන්නේ තමන් කේන්ද්‍ර කරගෙන වටේට ක්‍රමයෙන් මෛත්‍රීය පැතිරවීම; මුලින්ම තමන්ට ඊළගට තමන් ඉන්න නිවසේ ඉන්න අයට ඊළගට තමන්ගේ ගමේ අයට, නගරයේ අයට, ප්‍රදේශයේ අයට, රටේ අයට, ලෝකයේ අයට ,සියලු ලෝක වල සියලු සත්වයන්ට විදියට.

මම වෙෙර නැත්තෙක් වෙම්වා
මම තරහා නැත්තෙක් වෙම්වා,
දුක් පීඩා නැත්තෙක් වෙම්වා,
සුව සේ ජීවත් වෙම්වා,
ශාන්ත සුවයට පත් වෙම්වා.

මා මෙන්ම
,
මෙම නිවසේ ජීවත් වන්නා වූ සියලූම සත්වයෝ...
වෙෙර නැත්තෝ වෙත්වා,
තරහා නැත්තෝ වෙත්වා,
දුක් පීඩා නැත්තෝ වෙත්වා,
සුව සේ ජීවත් වෙත්වා,
ශාන්ත සුවයට පත් වෙත්වා.

මා මෙන්ම
,
මේ ගමේ සිටින සියලුම සත්වයෝ..
මේ නගරයේ සිටින සියලුම සත්වයෝ....
මේ ප්‍රදේශයේ සිටින සියලුම සත්වයෝ...
මේ රටේ සිටින සියලුම සත්වයෝ...
මේ ලෝකයේ සිටින සියලුම සත්වයෝ...
සියලු ලෝක වල සියලුම සත්වයෝ..
 ආදී විදියට මෛත්‍රී කරන්න.                        



*අප්පමාන චේතෝ විමුක්තියේදී කරන්නේ දිශා වශයෙන් මෛත්‍රිය පැතිරවීම.

මම වෙෙර නැත්තෙක් වෙම්වා
,
මම තරහා නැත්තෙක් වෙම්වා,
දුක් පීඩා නැත්තෙක් වෙම්වා,
සුව සේ ජීවත් වෙම්වා,
ශාන්ත සුවයට පත් වෙම්වා.

මා මෙන්ම
,
උතුරැ දිශාවේ ජීවත් වන්නා වූ අප්‍රමාණ වූ සත්වයෝ...
වෙෙර නැත්තෝ වෙත්වා,
තරහා නැත්තෝ වෙත්වා,
දුක් පීඩා නැත්තෝ වෙත්වා,
සුව සේ ජීවත් වෙත්වා,
ශාන්ත සුවයට පත් වෙත්වා.

,
උතුරැ අනු දිශාවේ ජීවත් වන්නා වූ සියලූම සත්වයෝ...
,නැගෙනහිර දිශාවේ ජීවත් වන්නා වූ අප්‍රමාණ වූ සත්වයෝ..., නැගෙනහිර අනු දිශාවේ ජීවත් වන්නා වූ අප්‍රමාණ වූ සත්වයෝ...,
දකුණු දිශාවේ ජීවත් වන්නා වූ අප්‍රමාණ වූ සත්වයෝ...,,
දකුණු අනු දිශවේ ජීවත් වන්නා වූ අප්‍රමාණ වූ සත්වයෝ..,
බටහිර දිශාවේ ජීවත් වන්නා වූ අප්‍රමාණ වූ සත්වයෝ...
බටහිර අනු දිශාවේ ජීවත් වන්නා වූ අප්‍රමාණ වූ සත්වයෝ...,
උඩ දිශාවේ ජීවත් වන්නා වූ අප්‍රමාණ වූ සත්වයෝ...,
යට දිශාවේ ජීවත් වන්නා වූ අප්‍රමාණ වූ සත්වයෝ...සියලු දිශා වල සිටින සියලුම සත්වයෝ...
 ආදී විදියට මෛත්‍රී කරන්න.

මිට අමතරව අපා සත්වයෝ, දෙපා සත්වයෝ. සිවුපා සත්වයෝ මනුෂ්‍යයෝ ,තිරිසන් සත්වයෝ....විදියට හිතලත් භාවනා කරනවා. ඒත් බුදුන් දේශනා කලේ මුල් ආකාර දෙක විතරයි. අනිත් ක්‍රම වලිනුත් සමාධිය ඇතිකරගන්න බැරි නෑ. මොන විදියෙන් කලත්  මලගිය ඥාතින් ගැන වෙනම හිතලා මෛත්‍රී කරන එක කරන්න හොද නැ. එතකොට ඒ ඥාතින් ඇදිල එනවා වගේ වෙනවා. එතකොට වෙන්නේ එයාලගේ ආශිර්වාදය ලැබෙන එක නෙවෙයි අමනුස්ස දෝෂ ඇතිවෙන එක.
ධ්‍යාන ලබාගැනීම සඳහා මුලින්ම සති 4ක් විතර භාවනාව සම්පුර්ණයෙන්ම කරලා හිත හොදට එක්තැන් උනාම මම සුවපත් වෙම්වා කියන දේ විතරක් එකදිගට පැයක් විතර හිතමින් භාවනා කරන්න. ඊළගට සියලු සත්වයෝ සුවපත් වෙත්වා කියන දේ විතරක් එකදිගට හිතමින් පුළුවන් තරම් වේලා භාවනා කරන්න.
අරමුණු ගොඩක් හිතනවට වඩා එකක් විතරක් හිතන එකෙන් ධ්‍යාන ලබාගන්න ලේසි වෙනවා. හැබැයි සම්පුර්ණ භාවනාවම එකදිගට කරලත් ධ්‍යාන ලබාගන්න පුළුවන්. පුද්ගලයාගේ හැටියට තමන්ට හරියන විදිය වෙනස් වෙනවා. මේ ක්‍රම දෙකෙන් එකක් තෝරාගෙන එකදිගට මාස 3ක් විතර කරලා බලන්න. 
කොච්චර හිතුනත් අතරමැදදී අනිත් ක්‍රමයට මාරු වෙන්නෙපා . මාස 3කින් පස්සේ ධ්‍යාන ලබාගන්න අමාරු උනානම් අනිත් ක්‍රමයට මාරු වෙලා ඒ විදියට භාවනා කරන්න.

අනිත් භාවනා වගේ මෛත්‍රී භාවනාව එක තැනකට වෙලා විතරක් කල යුතු නෑ. ධ්‍යාන ලබාගැනීම සඳහා භාවනා ආසනයකින් වාඩි වෙලා එක තැනක ඉදන් භාවනා කරන්න අවශ්‍යයි. ඒත් ඊට අමතරව අනිත් වෙලාවටත් භාවනා කලාට කමක් නෑ. බුදුරජාණන් වහන්සේ දේශනා කරලා තියෙන්නේ මෛත්‍රී භාවනාව යානාවක් වගේ පුරුදු කරන්න කියලා. ඒ කියන්නේ ඇවිදින ගමන් කන බොන ගමන් වගේ හැමවෙලේම මෛත්‍රී භාවනාව වඩන්න. අනිත් භාවනා වලට මෙහෙම කරන්න කියල දේශනා කරලා නෑ. අනිත් භාවනා එසේ කිරීම කිරීම සුදුසුත් නෑ. හැබැයි මෛත්‍රී භාවනාව පැයකට දෙකකට සිමා කරගන්නේ නැතුව දවස පුරා හැම ඉරියව්වකදිම පුරුදු කරන්න කියල දේශනා කරලා තියෙනවා. ඒ විදියට හැමවෙලේම මෛත්‍රී හිත පැතිරවීමෙන් ඉක්මනින් ධ්‍යාන ලබාගන්න පුළුවන් වෙනවා.

ලිපියේ සදහන් කර ඇති කරුණු වලට අමතරව පුද්ගලික යෝග උපදෙස්, භාවනා උපදෙස් හා මනෝවිද්‍යාත්මක උපදෙස් ලබාගැනීමට අවශ්‍යනම් Facebook පිටුවට Message කරන්න ( මෙතන ක්ලික් කරන්න )

(මෙම ලිපි අවසරයකින් තොරව  සම්පුර්ණයෙන් හෝ කරුනු වශයෙන් උපුටාගැනීමෙන් හා  වෙනත් යමක පළකිරීමෙන් වලකින්න.)

Comments

  1. Maithrya Wadana kena MAs malu kanna BA neda

    ReplyDelete
    Replies
    1. එහෙම දෙයක් නෑ. මස් මාළු කාලත් මෛත්‍රී ධ්‍යාන තියෙන අය මම අදුරන අය ඉන්නවා. මස් මාළු නොකන එක හොදයි ඉතින් .ඒ උනාට ඒක ධ්‍යානයට කිසිම අදාලත්වයක් නෑ

      Delete
  2. Mama ahala thiyenawa..nirmansha nounoth mathri bawanawe prathipalayak na kiyala

    ReplyDelete
    Replies
    1. එහෙම දෙයක් නෑ. එක බොරු කතාවක්

      Delete
    2. හොදට මතක තියාගන්න මේකේ බොහෝමයක් වැරදියි කියලා මොකද මම මේ භාවනාව සම්බන්ධයෙන් හොද අත්දැකීම් තියෙන කෙනෙක්

      Delete
    3. mamath bawanawa hodata athdakim athuwa thamai liyanne. mokakda weradi?

      Delete
    4. මේ භාවනාව හරියට උල්පතක් වගේ ඒක සීමා සම්භේදයකින් තොරවයි වඩන්න ඕනේ
      එතකොට තමා මහත්ඵල මහානිංසංස වෙන්නෙ ඒක බුද්ධඝෝස මතයෙන් ආපු එකක් සීමා සම්භේදය බුදුහාමුදුරුවෝ කොතැනකදීවත් වදාරලා තිබෙනවාද පළමුවෙන්ම තමන්ට මවට පියාට එහෙම මෛත්‍රී කරන්න කියලා

      බියපත් තැතිගත් සතුන්ද වේවා
      බිය සැක නැතිකළ රහතුන් වේවා
      ලොකු පොඩි දිග මහ සතුන්ද වේවා
      සැමට සැපත ඇති සිත් ඇතිවේවා

      පෙනෙන නොපෙනෙනා සතුන්ද වේවා
      දුර ලග වසනා සතුන්ද වේවා
      ඉපදුන ඉපදෙන සතුන්ද වේවා
      සැමට සැපත ඇති සිත් ඇති වේවා

      හොදට හිතලා බලන්න මෛත්‍රී භාවනාව ගැන සම්ප්‍රදායික ක්‍රමයට යන්න එපා එතකොට ඒක හරි ක්‍රමයක් නෙමෙයි අද කාලෙ බලනකොට ඇගේ තිබෙන අවයව වලටත් සමහරුන් මෛත්‍රී කරනවා ඒක විකාර වැඩක්

      Delete
    5. බුදුන්ටත් බණ උගන්නන හාමුදුරුවරු හා ගිහියෝ දැන් බිහිවෙලා ඉන්නවා. එයාල බුදුන් දේශනා කරපු දේට කියන්නේ සාම්ප්‍රදායික දේ කියලා. තමන්ගේ හුණු බිත්තර මොලේට තේරෙන විදියට හරි කියල හිතෙන දේ තමයි හරි කියල හිතල බුද්ධ භාෂිතයට ගරහනවා සාම්ප්‍රදායික දේ කියල. හැබැයි මහලොකු සාම්ප්‍රදායික නොවෙන ක්‍රම වලින් ධ්‍යානයක් ලබපු, මාර්ගඵලයක් ලබපු, ඉර්ධියක් ලබපු එකෙක්වත් ඉන්නවද ඇහුවම මුකුත් නෑ. බුදු කෙනෙක් බුදු නුවණින් බලලා කමටහන් නිර්මාණය කරන්නේ ඒ කමටහන අහන්න ලැබෙන හැමෝටම ප්‍රතිපල ගන්න පුළුවන් විදියට. හරියට බුදු බණ පිලිපදලා කරනවා නම් ඕන කෙනෙක්ට ඒ කමටහනෙන් ධ්‍යාන ලැබෙනවා.
      තමන් තමන්ගේ විදියට කරගන්න ගිහින් අනාගත්ත හිස් මෝඩයෝ තමා ත්‍රිපිටක දේශනා වලට සාම්ප්‍රදායික දේ කියල ගරහල අලුත් ඒවා පස්සේ යන්නේ. හැමදාම අලුත් අලුත් ඒවාට රැවටෙනවා මිසක් එයාලට ලැබෙන නිවනක් නෑ

      Delete
  3. Oba mea karana uthum mehewara obagea jeevitaye sitana partana karana margapala lebimata dharma daanaya obata kedapathak ma weawa. Godak pin obata. ....

    ReplyDelete
  4. ඉතා වටිනා කරුනුරාශියක් මට ඉගෙනගන්න ලබුනා මා සිතගෙන සිටිය නිර්මන්ශ ව් නොමතිනම් සමාදිය ලබගත නොහකියි කියා....ඔබතුමාට ගොඩක් පින්

    ReplyDelete
  5. ඉතා වටිනා කරුනුරාශියක් මට ඉගෙනගන්න ලබුනා මා සිතගෙන සිටිය නිර්මන්ශ ව් නොමතිනම් සමාදිය ලබගත නොහකියි කියා....ඔබතුමාට ගොඩක් පින්

    ReplyDelete
  6. බොහොම පින් මේ වගේ post දානවට. සමාධිය ගැන පොඩි ප්‍රශ්නයක් මතු වුනා. ලෞකික සහ ලෝකෝත්තර සමාදී අතර වෙනස මොකද්ද කියල කියන්න පුලුවන්ද ? ඒ වගේම බිම ඉදගෙන ආසනයක් අනුගමනය කරමින් භාවනා කරන්නේ නැතුව, සිටින ඉරියව්වෙන්ම සිතීම මගින් සිත එකග කරගන්න උත්සහ කිරීමෙන් සහ යම් දෙයක් සිතට අවබෝධ කර ගැනීම මගිනුත් සමාදියට එලබෙන්න පුළුවන් නේද ? එහෙම පුලුවන්නම් එකට කියන්නේ "සමාදියට සමවැදීම" කියලද ?

    ReplyDelete
    Replies
    1. ලෞකික සමාධියක් තියෙන කෙනා කියන්නේ චතුරාර්ය සත්‍ය ගැන සම්මා දිට්ඨියක් නැතුව මොනවහරි භාවනාවකින් ධ්‍යාන ලබාගත්ත අය.හිමාලේ ඉන්න ඍෂිවරු වගේ. සම්මා දිට්ඨිය සහිත අය ලබන ධ්‍යාන තමා ලෝකෝත්තර සමාධි. හිතේ එකඟ කම ගත්තොත් වෙනසක් නෑ.ඒත් දෘෂ්ඨිය වෙනස්. නිරෝධ සමාපත්තියට විතරක් නෙවෙයි ලෝකෝත්තර සමාධිය කියන්නේ.
      බිම වාඩි වෙලා එක ආසනයකින් නොඉද සමාධියක් ලබාගන්න ගොඩක්ම අමාරුයි. ඒ වගේ වෙන්නේ ගිය ආත්ම වල එකදිගට ධ්‍යාන ලබාගෙන තියෙන අය වගේ අය විතරයි.

      Delete
    2. බොහොම පින්! වැඩි වැඩියෙන් මනස දියුණු කරගන්න හැකියාව ලැබේවා!!

      Delete
  7. මෛත්‍රී භාවනාව, මම ඒතරම් දුර වඩලම නෑ.. ගොඩක් කුන්ඩලීනී ශක්ති පිලිබඳව තමයි අත් හදාබැලීම් කරේ. ගොඩක් ස්තූති බුද්ධ මාර්ගයකට නැවත යොමු කරාට. කුන්ඩලීනී ශක්ති චක්‍ර අවදි කරන්න කලිං මානුෂිය සමාදිය ඇති වෙන එක ගොඩක් වැදගත් කියල විශ්වාස කරනව.

    ReplyDelete
    Replies
    1. ඔවු සමාජයට අහිතකර අරමුණු හා චර්යා තියෙනවනම් කුණ්ඩලිනි චක්‍ර අවධි කරගන්න ලැබෙන්නේ නෑ

      Delete
  8. mata podi deyak dengna onei. Amunusynta karana epa kiylaa thiynawa.. mn me bawanawa sahehana kalayak karana kenk. Mn karankota amunsayan amramunu karagenath awasanayta karnawa.. eka attma hoda nedda kiyla dengn kemthi oba thumagen.. ? Karaniya metha sutharayth amunusaynta my3 wadena nisai mn wadana gthe. Meka podak pahadili karala dena kiyla oba thumgen ilaa sitinawa..?

    ReplyDelete
  9. Danne nathi karunu danagaththa.Obata theruwan saranai.

    ReplyDelete
  10. මේ විස්තරේ facebook දාන්නකෝ...මේක හරිම ප්‍රයෝජනවත්..බුද්ධිමත් මිනිස්සු මේක කියවල ලොකු යහපතක් තමුන්ගේ ජීවිතේට ලබා ගනීවි...මගේ wall එකට මේක දැම්මට කමක් නැද්ද?

    ReplyDelete
    Replies
    1. දානවනම් ලින්ක් එක විතරක් දාන්න. kundalini yoga srilanka කුණ්ඩලිනි යෝග කියල මම fb page එකක් කරනවා. එකෙන් මේවා ශෙයා කරනවා. kundalini yoga srilanka කුණ්ඩලිනි යෝග කියල ගෘප් එකකුත් මම කරනවා එකෙත් දානවා. ඒ හින්ද දකින අයට fb එකෙන් දකින්න අවස්ථාවව් තියෙනවා

      Delete
  11. Mama danna widiyata saha dekala thiyana widiyata mas mansa kewoth bawnawa hariyatama wadanna be.sathwayekuta suwapath wethwa kiyala e sathage malakuna kanawanam rasa kara kara ethana sebe maithriyak ne.aniwaryayenma bawanawa hariyata wadanna be.

    ReplyDelete
    Replies
    1. එහෙම වෙන්නේ නෑ. ඕක තමන්ගේ ආකල්ප වල ප්‍රශ්නයක්. මැරුණු සතා මැරිලා ඉවරයි. යතාර්ථය තේරුම් ගන්න බැරි හින්ද ඔහොම ආකල්ප එන්නේ. ඔහොම හිතාගෙන හිටියොත් භාවනා කරද්දී ඒක මතක්වෙලා ඒ හින්දම භාවනාව කරගන්න බැරිවෙනවා. ඔය ආකල්ප නිකන් ඇගේ ඇනුන කටුවක් වගේ .ගලවනගන්නකම් හිතෙන් ඒකම පෝෂණය කරලා භාවනාව කරගන්න බැරි කරනවා. ලෝකේ යතාර්ථය නොතේරෙන නිසා ඔහොම ආකල්ප ඇතිවෙන්නේ. ධර්මය ඇසීම කියවීම විදර්ශනා වැඩිම කරන්න මෛත්‍රී කරන ගමන්. මස් මාළු කෑවා කියල මෛත්‍රී වඩන්න බැරි කමක් නෑ. ධ්‍යාන ලබාගන්න බැරි කමකුත් නෑ

      Delete
  12. හොද ප්‍රතිපල ලබා ගන්න දවසට කෙතරම් වෙලාවක් මෛත්‍රී භාවනාව කරන්න ඕනෙද?කරුණා භාවනාව සහ මෛත්‍රී භාවනාව එකම දවසේ සිදු කලාට ගැටළුවක් නැද්ද?වඩාත් හොද ප්‍රතිපල ලැබෙන්නේ මේ භාවනා ක්‍රම දෙකෙන් කුමන භාවනවෙන්ද ?ස්තුති ලිපියට.

    ReplyDelete
    Replies
    1. අවම පැයක් කරන්න
      2කම එක දවසේ කලාට කමක් නෑ හැබැයි අරමුණ ධ්‍යාන ලබාගැනීමනම් එහෙම කරලා වැඩක් නෑ එකක් විතරක් කරන්න
      දෙකෙන් මොන භාවනාව කලත් ප්‍රතිපල හොදයි

      Delete
  13. බොහොම ස්තුතී ඔබට!!!

    ReplyDelete
  14. Oya me karanne mahath pala maha anisansa thiyena deyak.gindara ho pahan dallak asuren karana kundalini bhavanavadi chakkra thula shakthiya isthai karaganiema ha bala upadava ganiema menma,ven venva adala chakra avadi karaganiema yana kriyawaliye gana kramanukoola vistharayak vagema,kelinma aanghngha chakkraya vivurtha karaganieme pillivala thava poddak pahadili karagammuda.............

    ReplyDelete
  15. මම 11 වසරෙදි නින්දට පෙර හැමදාම මෛත්‍රි භාවනාව කරා..ටික කාලෙකට පස්සේ රිදී එලියක් වගේ දෙයක් පේන්න ගන්නවා. ඒ වෙලාවේදී කිසිම දෙයක් ඇගට දැනෙන්නේ නෑ. පාවෙනවා වගේ දැනෙනවා. .ඕන තරම් වෙලා ඉන්න පුලුවන්..භාවනා කරන එක නවත්තපු ගමන් බිමට වැටෙනවා වගේ දැනෙනවා..අමුතුම අත්දැකීමක්
    ඒ වගේම ඒ දවස්වල මට මොකක් හරි දෙයක් අවශ්‍ය වුනොත් මට කොහෙන් හරි ඒ දේ ලැබෙනවා. මට පුදුමත් හිතුනා ...
    ඔය සේරම දෙවල් වෙන්නෙ ඇයි..?
    ස්තූතියි..
    බුදුසරණයි...!

    ReplyDelete
  16. මම 11 වසරෙදි නින්දට පෙර හැමදාම මෛත්‍රි භාවනාව කරා..ටික කාලෙකට පස්සේ රිදී එලියක් වගේ දෙයක් පේන්න ගන්නවා. ඒ වෙලාවේදී කිසිම දෙයක් ඇගට දැනෙන්නේ නෑ. පාවෙනවා වගේ දැනෙනවා. .ඕන තරම් වෙලා ඉන්න පුලුවන්..භාවනා කරන එක නවත්තපු ගමන් බිමට වැටෙනවා වගේ දැනෙනවා..අමුතුම අත්දැකීමක්
    ඒ වගේම ඒ දවස්වල මට මොකක් හරි දෙයක් අවශ්‍ය වුනොත් මට කොහෙන් හරි ඒ දේ ලැබෙනවා. මට පුදුමත් හිතුනා ...
    ඔය සේරම දෙවල් වෙන්නෙ ඇයි..?
    ස්තූතියි..
    බුදුසරණයි...!

    ReplyDelete
  17. මම 11 වසරෙදි නින්දට පෙර හැමදාම මෛත්‍රි භාවනාව කරා..ටික කාලෙකට පස්සේ රිදී එලියක් වගේ දෙයක් පේන්න ගන්නවා. ඒ වෙලාවේදී කිසිම දෙයක් ඇගට දැනෙන්නේ නෑ. පාවෙනවා වගේ දැනෙනවා. .ඕන තරම් වෙලා ඉන්න පුලුවන්..භාවනා කරන එක නවත්තපු ගමන් බිමට වැටෙනවා වගේ දැනෙනවා..අමුතුම අත්දැකීමක්
    ඒ වගේම ඒ දවස්වල මට මොකක් හරි දෙයක් අවශ්‍ය වුනොත් මට කොහෙන් හරි ඒ දේ ලැබෙනවා. මට පුදුමත් හිතුනා ...
    ඔය සේරම දෙවල් වෙන්නෙ ඇයි..?
    ස්තූතියි..
    බුදුසරණයි...!

    ReplyDelete
  18. Appamaana chetho aakaarayen bawanaawa wadanakota thaman kamathi ho akamathi 1ka pudgalayekwa aramunu karala maithree wadanna Barida?? Tharaha kaarayek innawanam eyawa aramunu karala bawana karoth a pudgalaya wenas wee yahapath prathipala labanna puluwan kiyla ihatha sadahan karala thibuna. Namuth dyaana labimata Eka bawana kramayak thora ganna kiyla thibuna. Ithin Appamaana chetho vidiyata maithree wadana kenekta ehema 1 pudgalayekwa aramunu karala maithree wadima karanna Barida? Ehema kaloth bawana krama 2ma kalawam karala kara wenawada?

    ReplyDelete
    Replies
    1. ehema karanna be. kiyala thiyena vidiyata vitarak bawana karanna. taraha kenek innawanan eya aramunu karala bawana kirima wenama karanayak. eka bawanawak neweyi

      Delete
  19. ඔබට මදක් කතා කල හැකිද? (Sms) මගින්.
    අප බෞද්ධ පේජයක් කරන්නෙමු.... ඔබේ අත්දැකීම් බොහෝ සත්ත්වයන් ගේ හිත සුව පිණිස බෙදා දිය හැකිවේවි යයි අපගේ විශ්වාසයයි..( ඔබේ පෞද්ගලිකත්වය අවශ්‍ය නම් ආරක්ෂා කරන්නෙමු)
    තෙරුවණ් සරණයි

    ReplyDelete
    Replies
    1. mamath facebook page ekak karanawa. ekata msg karanna page eke nama - kundalini yoga srilanka

      Delete
  20. කරුණාකර ඔබ සමග සම්භන්ද වීමට අවස්ථාවක් ලබා දෙන්න. අප බෞද්ධ පේජක් කරන්නෙමු. ඔබගේ අත්දැකීම් අන් අයට මහා උපකාරයක් වෙන බව අපගේ හැගීමයි.

    ReplyDelete
  21. Maitree bawanawa tulin 1 to 4 dyana laba ganna hatti detail wistrayak karanawada. 1 to 4 dyana wadana wita labana experience wistara karanawada. Obata boho pin!

    ReplyDelete
  22. Maitree bawanawa tulin 1 to 4 dyana laba ganna hatti detail wistrayak karanawada. 1 to 4 dyana wadana wita labana experience wistara karanawada. Obata boho pin!

    ReplyDelete
    Replies
    1. isselama me thiyena widiyata bawana karala 1 weni dhyanaya labaganna utsaha karanna

      Delete
  23. man dawasak maythi bawanawa karamin midule awidina kota pawenawa wage danenna patan aran kundalani shakthiya saahenna awadi una samahara welawata nathi wenawa, geval walin mawa manasika rohalakata damma passe mri scan ekak karala oluwe gediyak kiyala laksha ganak wiyadam karala kala man ita kalin me wage lipi mokuth kiyawala tibbe na mata dan therenne oparation ekak boruwata kara gaththe kiyala. mata oparetion eken passe wadiya parana dewal mathakaya adui, mn a dawas wala qwalu devi kenek kiyala mn obage watina owadank maa hata labadenna

    ReplyDelete
    Replies
    1. lakshana wala hatiyata oka manasika rogi tatwayak kiyala matat hitenne

      Delete
  24. Yogi thumani mage birinda maithri bawanawa karanawa..eya bawana karanakota mage atha eyage aga lagata lan karama agili thudu walata kandamaka wikarshana balaya wage deyak danenawa..e wagema agili thudu walata monahari anenawa wage deyak danenawa..riden Na habai.ehema wenne Ai kiyala obathuma gen danaganna puluwanda..mamath wena bawanawak karanawa..

    ReplyDelete
    Replies
    1. samahara ayata ehema wenna puluwan. samaharawita shakthiya nisa wennat puluwan samaharawita ega wateta etiwena dhana rina aaropana nisath wenna puluwan.
      kohomat owa gena hitala wedak ne hitanna oni dhyaana labaganima gena. ataramagadi labena atdakim walin athi wedak ne

      Delete
  25. Bohoma sthuthie obathumata. Obatath obage guruwaruntath bohoma pin.

    ReplyDelete
  26. Man me bawanawa karanna patan ara gaththe me lagadi.man godak asawen meka karanawa.eka dawasak ra man me bawanawa karaddi mage aga eka paththakata adenawa wage mata danuna.ath deka uda loku barak thiyala wage mata danuna.mehema wenna hethu thiyenawada.pahadili karanna.sthuthi

    ReplyDelete
    Replies
    1. bawana kraddi eka eka ayata eka eka athdakim enawa. ewa gena hithanna giyoth bawanawa diyunu karaganna wenne ne. ewa amataka karala ekadigata bawanawa karanna dhyana labenakan

      Delete
    2. Yigithumani,darmayae obae pansale arya maithree bawanawa pilibada pathrikawak me lagadi Mata labuna. bawanawedi menehi karanna peli 40k pamana tyanawa. Maithree bawanawa karaddi e okkoma dewal htanna onada?

      Delete
    3. eka sampurna boruwak. dharma vikruthi kirimak. oya miwanapalane kiyanne siwurak porawagatta ngo kaarayek. eyaage job eka dharmaya vikruthi karala budu dahama vinasa karana eka. danna hemotama kiyanna e pissa gawata yannepa kiyala

      Delete
  27. maithree bawanawata audio ekak ahana gaman bawanawe yedila dyana labaganna puluwanda?

    ReplyDelete
  28. Yogithumani maithree bawanawae arya maithree bawanawae atara wenasa mkakda? E bawana deken mna bawanawa kalath kamak nadda?

    ReplyDelete
    Replies
    1. arya maitree bawanawa kiyala ekak ne. ohoma boruwak paturawanne miwanapalane kiyana dharmaya vikruthi karana maanasika rogiyaa.

      Delete
    2. E pansale hamuduruwo knkge bana wagayak apita lagadi hambune. Gdra ayata khomada ewa terum karanne? Ape Malli e bana walata gdk alila. Qwata piligan na.

      Delete
    3. මම ලිපියක් දාලා තියෙනවා ධමර්ය විකෘති කරන්නෝ 2 මීවනපලානේ සිරිධම්මාලංකාර කියල.
      තව එකක් දාලා තියෙනවා බුදුන් උපන්නේ ලංකාවේ නොවන බවට සාක්ෂි කියල. ඒ දෙක කියවන්න දෙන්න.
      හැබැයි ඕකට අහු උනාට පස්සෙ ගලවගන්න නම් අමාරුයි

      Delete
  29. Darmayae obae kyana aramayen tawa aurudu 5kin wtra niwan awaboda sadaha wtrakma wenamama aramayak hadanawa kyala tyanawa e hamuduruwanlage bana wala. Etakota etanin wenneth boru dykda yogithumani? Mkada Mae,mage husband e wagema mage mallith e arameta ghn bawana krama igena ganna tiranaya karala tibbe.

    ReplyDelete
    Replies
    1. ඔතන කරන ඔක්කොම බොරු. කවදාවත් ඇත්ත භාවනාවක් කරන්නේ නෑ. කවදාවත් කියන ධර්ම දේශනාවක් ඇත්ත ඒවා කියන්නේ න. සම්පුර්ණ විකෘති

      Delete
  30. Obatath obage guruwaruntath bohoma pin me wage hari dwl samajayata Dena ekata. Bohoma sthuthie.

    ReplyDelete
  31. මෛත්‍රී භාවනාව සිතින් හිතමින් ද කරන්න ඕන. පොඩ්ඩක් ශබිද නගා කිව්වට කමක් නැද්ද. හිතමින් කරනකොට වෙන වෙන දේවල් හිතට එනවා.

    ReplyDelete
    Replies
    1. හිතින් හිතන එකයි භාවනාව කියන්නේ. හිත ගොඩක් පිට යනවනම් මුලදී ටික කාලයක් කටින් කියුවට කමක් නෑ

      Delete
  32. ගොඩක් පින් ඔබ තුමාට.. හිත ගොඩක් පිට යනවා.. මොනවම හරි දෙයක් කල්පනා වෙනවා භාවනා කරන වෙලාවට. ඔබ තුමාගේ උපදෙස් අනුව මම ජප මාල භාවනාවත් කරනවා දැන් මාසයක් විතර, හැමදාම කරනවා. තාම හිත එකතැන් කරගෙන 1 - 108 ට ගනන් කරන්න බෑ. මොනවා හරි මතක් වෙනවා.

    ReplyDelete
    Replies
    1. bawana dekathuna ekapaara karannepa. eka kaaleka eka bawnawak witarak karanna

      Delete
  33. හොඳමයි ගුරුතුමනි....ඔබ තුමාට ගොඩක් පින්....

    ReplyDelete

Post a Comment